【最瘋狂結局】普捷天奴會去教阿仙奴?

20191121
東網電視
更多新聞短片
英超近日爆出換帥風暴,熱刺怒炒「球會史上最成功主帥」普捷天奴後,即刻宣布請摩連奴出山執教,如果咁都唔夠刺激,盛傳普捷天奴可能轉教熱刺死敵阿仙奴,肯定會係最瘋狂嘅結局!
普捷天奴被熱刺炒魷,但仍然係球壇搶手貨,曼聯、拜仁慕尼黑同皇家馬德里等豪門都虎視眈眈,而換帥聲音愈嚟愈大嘅阿仙奴,竟然都係爭逐者之一!博彩公司Ladbrokes開出賠率顯示,阿仙奴係普捷天奴「下間球會」第5熱門(11倍),排喺曼聯、拜仁慕尼黑、皇家馬德里同巴黎聖日耳門之後。
前熱刺領隊夏利列納表示:「倫敦唔止熱刺一隊陷入危機,如果普捷天奴覺得份工合適,(教阿仙奴)有咩問題?只要佢帶隊個個星期贏波,球迷唔會理你喺邊度嚟,蘇甘保咪又係熱刺去阿仙奴,格拉咸都教過阿仙奴同熱刺,英國最偉大門將柏真寧斯一樣踢勻晒呢兩隊。」
阿仙奴領隊艾美利被傳得番1個月時間救自己份工,之前傳出兩個候選新帥安歷基同摩連奴亦先後落班,唔通普捷天奴真係有機?
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。