【有片】保方連環出醜　祖記冇埋榜首

今輪意甲爆出大冷門，勁旅祖雲達斯主場出擊，僅逼和薩斯索羅2:2，被贏波嘅國際米蘭搶走榜首之位。祖記今場由41歲門神保方把關，但呢位一代傳奇卻連環出醜失波，慘被球迷嗌佢快啲退休。

祖雲達斯由邦路斯遠射先開紀錄，但之後成為保方噩夢嘅開始，先係被薩斯索羅22歲小將謝利美保格近距離「挑射」笠死，過程簡直係被騙、被愚弄。

下半場開波初段，保方自己派膠，卡佩圖射門冇角度、冇力度，但保方落地竟然接唔住，畀個波漏入網，非常醜怪。如非祖記之後博到12碼，由C朗射入，恐怕已全失3分。

保方今季回巢祖記，只係為打破馬甸尼嘅意甲上陣紀錄，佢之前已經完成目標，都係時候退落嚟，如果繼續上陣，只會摧毀自己建立多年嘅金漆招牌。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。