驚未?哥迪奧拿公布一月轉會市場大計

2019年12月03日 20:20
東網電視
更多新聞短片
(Getty Images)
英超打咗14輪,衞冕嘅曼城家陣喺聯賽榜落後「一哥」利物浦11分,再唔發力去追,隨時今屆就玩完,衞冕失敗。嚟緊一月轉會市場重開,各界都好關心,曼城會唔會出手買人增兵,加強實力去追趕「紅軍」,不過,曼城主帥哥迪奧拿今日受訪就講出佢哋嘅一月轉會大計,,原來係不變應萬變!
曼城家陣落後咁多,唔少人都將問題歸咎於喺佢哋防線身上,尤其係暑假期間,佢哋喺爭逐哈利馬古尼上爭輸咗畀同市死敵曼聯。不過,哥迪奧拿話:「不,我一月唔會引入新球員!我哋夏天都買唔到,一月都唔會成功。」當日曼城爭輸哈利馬古尼,其中一個原因係曼城嘅超級財團班主聲稱負擔唔起,難怪哥帥依家好似要畀說話班主聽。
哥迪奧拿之後進一步解釋:「凡係我哋睇中,覺得幫到隊波嘅球員,人哋又點會賣吖!」哥帥同時證實,拉傷大腿嘅首席射手阿古路將缺席埋周末嘅曼市打吡!
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。