同隊員傾好　蘇斯克查鬥熱刺唔怕冬瓜豆腐

英超曼聯聽晚會喺主場迎戰由前領隊摩連奴帶領嘅熱刺，賽前有消息指，「紅魔鬼」領隊蘇斯克查都擔心一旦輸波，就會被炒，已經提早同晒成班隊員交帶好晒，以防冇得再見。嚟到今日嘅賽前記招，「蘇B」話自己冇乜好擔心，只會盡力而為。

「蘇B」話：「冇喎，我冇特別緊張呀，我只會專注我嘅工作，盡力而為，展望之後比賽，同董事局研究長遠發展。從來勝負都係一線間，有時你好彩，有時冇運。依家先12月，邊度緊張得咁多。我好好，真係冇問題。有時睇見啲報道講起我，我都會笑死，因為我知佢哋都係吹晒水嘛！」

曼聯聽晚鬥完熱刺，周末深夜有要硬撼曼城，蘇斯克查都係放鬆面對：「三至四日又可以改變到啲乜？但呢兩場確實係個好機會畀我哋證明自己仲有能力同頂級球隊抗衡。」

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。