「畢直」有限！阿仙奴新帥得佢兩個揀

英超阿仙奴上周五炒咗領隊艾美利，暫時提升咗U23主帥兼球會名將龍格保做看守領隊。與此同時，「兵工廠」管理層則開始全力搜尋新帥，不過，根據英國《每日郵報》最新報道，原來「兵工廠」計過度過之後，發現包括普捷天奴同阿里基等歐洲一線領隊份人工，根本全部超出佢哋預算，依家喺限米煮限飯情況，佢哋唯一可以揀嘅新帥就只係得番龍格保同另一位舊將阿迪達。

前領隊艾美利嘅年薪係400萬鎊，但普捷天奴同阿里基就至少收雙倍有多。至於喺英超搵緊食嘅李斯特城主帥羅渣士同狼隊領隊紐奴人工本身可能平少少，只係喺畀埋對方球會賠款之後，條數又係一樣計唔掂。家陣，「兵工廠」咪唯有向經驗較少嘅新入利領隊埋手，咪就係龍格保同阿迪達，現家唯有睇吓二揀一，邊個跑得出喇！

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。