【曼熱戰】馬迪爾打柴！蘇B都識泊大巴

曼聯周四(5號)凌晨主場迎戰熱刺，賽前傳出不幸消息，法國前鋒安東尼馬迪爾因傷好可能會缺席呢場大戰，消息指曼聯領隊蘇斯克查將會改踢5人防線，實行用「泊大巴」戰術嚟對付摩連奴嘅熱刺，真係風水輪流轉呀！

摩連奴上年被曼聯炒魷嗰陣，其中一個罪名就係經常性「泊大巴」死守，蘇斯克查接手後即改踢進攻足球，令球迷眼前一亮。估唔到一年過去，摩連奴依家教熱刺大踢進攻足球，領軍3仗勁入10球，相反曼聯就愈踢愈頹，今場輪到蘇斯克查要「泊大巴」。

據報安東尼馬迪爾受傷，令蘇斯克查決定改變戰術，加入中堅杜安薛比拍住哈利馬古尼同域陀連迪路夫，實行用3中堅嘅5人防線出戰，前面就留拉舒福特同丹尼爾占士打突擊。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。