龍格保搵高人打救 竟然搵到嚟菲律賓!

2019年12月04日 11:07
東網電視
更多新聞短片
阿仙奴看守領隊龍格保上任後,首次領軍只能狼狽逼和諾域治,重建球隊任務相當艱鉅,呢位瑞典名宿喺對白禮頓嘅賽前記者會,自爆將會搵2位領隊高人攞教波Tips,恩師雲格理所當然會係其中之一,而另外一個竟然係前英格蘭領隊艾歷臣!
龍格保表示:「我同雲格一直有保持聯絡,不過最近真係好忙,仲未有時間同佢傾過,但呢件事(同雲格商討)已經擺喺我嘅工作日程當中...雲格教咗阿仙奴22年,佢一定會有一啲重要嘅事情同我分享,令我可以成為一個更好嘅教練。」
另一位「高人」,就係龍格保嘅瑞典同胞艾歷臣,龍格保話:「艾歷臣充滿智慧,當佢教英格蘭國家隊嗰陣,成日都會嚟阿仙奴睇波,所以我同佢經常對話,我聽過好多艾歷臣以往教波嘅小故事,我都偷咗唔少師,艾歷臣係個偉大教練,我希望可以盡快再同佢見面。」艾歷臣近年去咗亞洲發展,曾經喺中超打滾4年,上年轉教菲律賓國家隊,離任後仍然保留顧問一職。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。