【曼熱戰】經典3次尊重!摩連奴角色換轉

2019年12月04日 16:00
東網電視
更多新聞短片
摩連奴將於周四(5日)凌晨英超率領熱剌,作客倒戈鬥曼聯,值得一提,上季英超曼聯主場對熱剌,當時「寸王」仲係曼聯主帥,該場紅魔鬼慘敗0:3。賽後摩連奴喺記者會上,發表「3次尊重」偉論死撐,成為經典。
當時摩連奴被傳媒質疑佢嘅表現,「寸王」舉出3隻手指反擊,稱自己曾經3次捧英超冠軍,多過晒其他領隊奪冠總和:「你知道比數係幾多嗎?3:0!你知道係咩意思嗎?係代表我捧過3次英超冠軍,比其他19位領隊加埋仲要多,我捧過3次,佢哋加埋只有2次,尊重!尊重!尊重!」
雖然摩連奴今次角色換轉,以熱剌主帥身份出戰曼聯,但「3次尊重」偉論仍然適用,網民已經為佢度定對白,如果熱刺贏波,摩連奴可以用「3次尊重」反擊紅魔鬼,以示當年被炒嘅不滿。
如果熱刺輸波,摩連奴亦可以用「3次尊重」繼續死撐自己曾3次捧英超,請尊重佢。踢完今場波之後,唔知呢個經典一幕會唔會再出現呢?
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。