【曼熱戰】唔使驚！曼聯最重要一人復出

曼聯將於周四(5日)凌晨英超主場對熱刺，紅魔鬼近2場聯賽對住新升班球隊錫菲聯、阿士東維拉都贏唔到，今場遇上3連勝嘅熱刺，前景難免悲觀。

不過，曼聯收到好消息，防守中場麥湯米尼已經傷愈，可以復出，有助大大減輕防線壓力。曼聯對住錫菲聯、維拉，2場加埋竟然失咗5球，2位防中安達斯彭利拿、費特洛迪古斯表現差劣，失去為防線提供第一道屏障嘅作用，大門自然被對手射爆。

麥湯米尼以鬥志強頑見稱，一向波到人到，被譽為曼聯今季表現最佳球員，有佢喺中場攔截掃蕩，中堅哈利馬古尼同門將迪基亞都唔使咁驚。

麥湯米尼唔止防守出色，助攻力亦不俗，佢今季英超已經有3球進帳，包括主場對阿仙奴一戰入波，今次遇上同為來自北倫敦嘅熱刺，麥湯米尼隨時可以再建奇功。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。