【曼熱戰】摩連奴話熱刺唔係頂級大會?

2019年12月04日 22:05
東網電視
更多新聞短片
(Getty Images)
一向寸爆自傲嘅葡萄牙籍領隊摩連奴,自從接掌熱刺之後,好似轉死性一樣,出席記招好多時都超客氣,冇再話次次都當自己係全世界No1。尋日佢喺熱刺作客曼聯嘅記招,當被問到係咪會喺一月斟介葡萄牙人氣中場波基斯費南迪斯,「寸王」竟然回應話「波費」太貴,唔係佢哋呢啲級數球會買得起喎!
之前話過自己唔會教非頂級球會,又大讚過熱刺陣容實力同規模,但今次摩連奴竟然罕有認低威:「我哋唔會喺轉會市場使咁大筆錢,我哋唔係嗰種級數嘅球會,亦唔會去買嗰種已經成熟兼且仲有一定上升空間嘅球員。我哋必須考慮經濟因素。總括嚟講,我認為波基斯唔係我哋要搵嗰種級別同價錢嘅球員。」
根據之前報道,「波費」依家身價達到8,500萬鎊,其中曼聯就經常同佢扯上關係,熱刺因為要慳,所以連爭都唔會同曼聯爭囉!
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。