輸完金球獎 C朗又一次輸畀美斯

2019年12月05日 00:10
東網電視
更多新聞短片
當今兩大球王C朗拿度同美斯,周一就先喺金球獎分咗勝負,美斯成功第6度當選,敗走嘅C朗就冇出席頒獎禮,然後走咗去拎佢個上季意甲最佳球員獎。兩大巨星除咗喺國際球壇角力,C朗未過檔祖雲達斯前,都係西甲同美斯激鬥多年,不過今日,美斯就獲《阿斯報》選為西甲史上最佳球員,又一次擊敗C朗囉!
美斯今次就未有去馬德里領獎,只係由《阿斯報》工作人員將獎盃送到去巴塞隆拿。美斯拎住個盃拍咗段短片,然後會畀《阿斯報》喺頒獎禮上播放。短片入面,美斯表達咗得獎興奮同感謝各單位。《阿斯報》仲將今日封面,P圖成美斯同皇馬傳奇迪史堤芬奴一齊,表明讚佢哋兩個就係西甲史上最偉大兩名球員。
美斯由04/05球季開始為巴塞踢西甲,至今踢咗461場西甲,攻入428球。喺2014年11月22日,美斯仲超越咗施拿,成為西甲史上神射手。團隊方面,美斯都先後贏得10次西甲冠軍,話佢係西甲史上最佳,確實係當之無愧。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。