飛來橫禍!摩連奴場邊遭飛撞

20191205
東網電視
更多新聞短片
(Getty Images)
摩連奴入主熱刺後首度重返福脫福球場倒戈,全球注目,寸王一舉一動大家睇到實,佢打個乞嚏都係大新聞,結果真係出現狀況,比賽期間企喺場邊領軍嘅摩帥被場內爭波球員飛出球場碰撞,幸好並無嚴重受傷。
意外一幕發生喺開賽13分鐘,熱刺哈利雲克斯與曼聯丹尼爾占士爭波,雙雙衝出場邊,當時丹尼爾占士一個翻滾,頭部撞中摩連奴右膝及小腿,見到摩連奴當時用手按住右腿被撞部位,面容扭曲,似乎有小小痛,不過之後見佢如常指揮,應該冇大礙。
唔少球迷都將摩連奴遭飛撞嘅電視畫面拍落嚟,喺網上分享談論,認為呢一幕甚有娛樂性,比場波更有話題性。
講番摩帥步入球場大閘時,曼聯工作人員向佢熱烈歡迎,互相擁抱問好,曼聯領隊蘇斯克查更上前寒暄並送上一瓶紅酒,實行先禮後兵。
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。
唔止足球睇波,仲有24小時滾動賠率,即時體驗:https://bit.ly/2UmNL0L