【特稿】紅魔超強數據　曼市打吡冇得輸

曼聯今季表現令人失望，只得3成幾嘅得勝率令蘇斯克查帥位岌岌可危，不過周四(5號)主場2比1擊敗熱刺後，曼聯今季5次面對Big 6球隊，竟然錄得3勝2和不敗成績，戰績之強僅次利物浦，周六深夜「曼市打吡」，睇怕曼城想贏極有難度。

熱刺領隊摩連奴賽後話，曼聯嘅踢法係「遇強愈強」，蘇斯克查嘅反擊戰術一向係最強殺著，面對主守嘅較弱球隊反而無用武之地。睇番曼聯今季各項賽事5次對住Big 6球隊，分別贏過熱刺同2贏車路士，對住利物浦同阿仙奴都係打和，亦係利物浦今季英超唯一贏唔到嘅球隊，可見「紅魔鬼」踢大戰特別醒神。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。