寸摩佬唔泊大巴　舒米高心儀熱刺大將

曼聯於英超再度遇強愈強，主場2:1殺敗熱刺，本季曾2勝車路士、擊敗李斯特城及熱刺，又曾打和榜首利物浦，曼聯對勁旅係有一手。賽後舒米高除寸摩連奴排錯陣、出錯人外，仲大讚對手前鋒孫興民係世界級，好想佢有朝一日可以加盟曼聯。

曼聯殺敗熱刺，舒米高賽後當然多嘢發表：「如果畀摩連奴再揀，佢一定唔會咁排陣，又唔會咁樣用人。我以為佢返到奧脫福，肯定會泊大巴，點知佢唔係喎，出晒一眾前鋒殺手，不過又唔主動搶攻，真係『好唔摩連奴』！下半場尼當比利落場踢得好好，佢應該踢正選。」

「睇番熱刺陣容，冇邊幾個我係好鍾意，但孫興民係例外。佢係個頂級前鋒，曼聯正正就係需要呢個卡士嘅球員，希望有輔一日，佢可以着上曼聯波衫啦。」

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。