【有片】哥迪奧拿亂晒　仲以為自己教緊拜仁

唔止足球睇波，仲有24小時滾動賠率，即時體驗：https://bit.ly/2UmNL0L　

哥迪奧拿執教曼城已經3年半，攞過兩次英超冠軍，不過最近有消息話佢有機會重返拜仁慕尼黑執教，唔知係咪因為咁，哥帥上場贏般尼之後，就口快快講錯：「我認為拜仁慕尼黑......」搞到自己好尷尬。

曼城上仗4比1大勝般尼後，哥帥仍然一臉憔悴，可能因為曼城落後利物浦太多，令佢好難有笑容，去到賽後記者會，講到洛迪卡斯簡迪嘅世界波，佢就講錯嘢：「洛迪對球隊幫助好大，佢好快適應英超，我認為拜仁慕尼黑......」

哥迪奧拿好快已經知道自己講錯，佢猛咁兜，拍自己前額仲爆埋粗：「噢唔係，曼城，我點解會講成拜仁？WTF，我都唔知道己諗緊乜。」現場引來記者哄笑，睇埋片又真係幾好笑喎。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。