夏神馬些路養傷　國家打吡皇馬讓車馬砲

唔止足球睇波，仲有24小時滾動賠率，即時體驗：https://bit.ly/2UmNL0L　

西班牙國家打吡巴塞主場鬥皇馬定於12月18日舉行，皇馬近期頻頻傳出壞消息，近期愈踢愈好嘅夏薩特不幸受傷，休息4至6星期，馬些路嘅傷勢更係歸期未定，雙雙錯過國家打吡。

西班牙《科貝電台》爆料，夏薩特於上周歐聯對巴黎聖日耳門一仗中被踢傷，當時賽後檢驗報告稱，休息10日就好番，不過近日傷勢惡化，右腿腓骨位置出現輕微裂縫，呢個傷比較麻煩，要休息4至6星期。

馬些路嘅傷係由皇馬官方公布，佢嘅傷勢係「左腿比目魚肌」受傷，傷勢仲要進一步觀察，西班牙《馬卡報》消息指，由於馬些路連養傷日期都未能確定，因此國家打吡復出嘅機會更渺茫。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。