【東體爭議】伊巴:C朗踢祖記唔算挑戰

20191207
東網電視
更多新聞短片
(Getty Images)
伊巴謙莫域將會重返意甲,好可能加盟AC米蘭,呢位38歲瑞典神鋒接受意大利傳媒訪問時,被問到邊個先至係「真朗拿度」,佢神回應:「真正嘅朗拿度係巴西人,C朗嘅成就係靠後天努力,而唔係靠天賦。」
伊巴謙莫域更加話,C朗聲稱去意甲接受新挑戰其實係笑話:「祖雲達斯喺C朗加盟前,已經係意甲7連冠,加盟呢種球隊,根本唔算係挑戰,如果佢想要有挑戰,咁就應該喺當年祖雲達斯被罰降落乙組時,去拯救佢哋,率領佢哋升上意甲,重返顛峰。」
伊巴謙莫域亦透露自己原本並非特別出色,多得前祖記教練卡比路指導,先至有今時今日嘅能力:「卡比路畀我好多啟發,教我好多嘢,每次訓練之後,我都會喺五六位防守球員包圍之下,練習頂頭槌,咁先至可以不斷提升實力。」
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。