無不散筵席　李華度：美斯會離開巴塞

剛奪第6次金球獎嘅美斯，於頒獎檯上表示自己年紀唔細，離退休已經愈來愈近，巴西名宿、前巴塞球星李華度認為，美斯唔會於短時間內離開巴塞，但若未來幾年再不感受到愛戴、再做唔到球隊重心，就會出走魯營，去另一個聯賽尋求挑戰。

美斯於巴塞出道，多年來捧盡球會級各項獎盃，個人亦6奪金球獎，李華度認為如果繼續有可盃捧，而且球隊肯繼續發展收購更多優質球星，美斯就會留低：「美斯剛於金球獎頒獎檯上發表『退休宣言』，對一個32歲嘅球員嚟講再正常不過，而佢未來點行，都係睇巴塞隆拿肯唔肯配合。」

「如果佢依然覺得受到重視，而且繼續贏到獎盃，佢唔會於短時間內退休或離開。但如果未來數年，巴塞發展停滯不前，贏獎盃愈來愈難，而自己亦再唔係球隊重心的話，佢絕對有機會離開加盟一支新球隊，未必喺巴塞退休。」

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。