曼聯棄將對決　史摩寧贏盧卡古喎

意甲尋晚進行咗場前列大戰，由「一哥」國際米蘭主場對羅馬，結果雙方互交白卷，「藍黑兵團」今季嘅連續19場入波紀錄正式告終。賽後，國米主帥干地就大讚羅馬門神米蘭迪係最佳球員，而著名網站《whoscored》就畀咗羅馬中堅基斯史摩寧7.5分，係全隊最高。

由曼聯借用去羅馬嘅基斯史摩寧，今季表現神勇，猶如重生一樣。今場佢同另一位曼聯棄將盧卡古正面對撼。今季加盟國米嘅「新魔獸」，嚟到意甲又係生番晒，入球不絕，不過今場喺羅馬一對中堅基斯史摩寧同基安盧卡文仙尼嚴密監管之下，結果係屢失良機，孭晒鑊！

根據《羅馬體育報》講，羅馬依家計劃喺冬季就想將基斯史摩寧以1,500萬歐元買斷，但由於「紅魔鬼」企硬要2,000萬歐元，大家仲未傾得掂數。事實上，曼聯主帥蘇斯克查都講過將下季帶番史摩寧去奧脫福，睇嚟羅馬真係要加碼去傾！

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。