利物浦有陣！大輪換冇文尼掂唔掂？

英超1哥利物浦今輪英超作客般尼茅夫，領隊高普又玩大輪換，收起上仗贏波英雄沙迪奧文尼、奧歷治同梳頓沙基利，韋拿杜姆、阿歷山大阿諾特都冇得踢，近期態沉嘅穆罕默德沙拿可唔可以交到貨、為紅軍帶來勝利？

利物浦於12月要兼顧世界冠軍球會盃、歐聯同英聯盃賽事，高普唯有於陣容上作出大輪換，今仗以沙拿、羅拔圖法明奴同阿歷士張伯倫攻堅，中場3子係佐敦軒達臣、拿比基達同占士米拿，右閘位就由祖高美斯頂上，而正選門將艾利臣比加，坐完1場波監今仗復出。般尼茅夫方面，近期入波頻頻嘅罰球王哈利威爾遜，就因為係利物浦借將，所以今仗不能上陣。

利物浦正選陣容

門將：艾利臣比加

後衞：祖高美斯、華基爾雲迪積克、洛夫雲、安德魯羅拔臣

中場：佐敦軒達臣、拿比基達、占士米拿

前鋒：穆罕默德沙拿、羅拔圖法明奴、阿歷士張伯倫

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。