【東體爭議】等升職定轉工?阿迪達人生抉擇

2019年12月08日 13:05
東網電視
更多新聞短片
橫掃英超多年嘅曼城今季突然冧檔,仲有唔夠2年合約嘅哥迪奧拿,教唔教得埋合約剩低嘅時間都好成疑問,至於哥迪奧拿得力助手阿迪達,更加走進人生交叉點,究竟要留喺曼城「等升職」?定係把握機會接受其他公司挖角?
多個英國媒體爆料,阿仙奴已經鎖定阿迪達為新帥目標,呢位前「兵工廠」球員跟哥迪奧拿學咗幾年,亦好有興趣獨挑大樑,本來阿仙奴嘅聘約應該好吸引。不過,隨住哥迪奧拿離隊嘅呼聲愈嚟愈高,阿迪達喺曼城「升職」轉正嘅機會亦不斷增加,報道指曼城幾年前已經安排長遠計劃,栽培阿迪達、韋拉同雲邦賀斯等新一代主帥接替哥迪奧拿。
哥迪奧拿上星期曾經表示:「如果畀我揀,我想阿迪達做我嘅繼任人,佢有呢個能力,當然係咪咁安排,要視乎阿迪達同球會嘅意願。」當你有機會出去外面擔大旗,原本公司又畀個升職希望你,打工仔最痛苦莫過於此。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。