馬天尼利又創紀錄　「世紀天才」唔係講笑

阿仙奴今季值得開心嘅事唔多，巴西新星加比爾馬天尼利嘅冒起可以話係最大亮點，呢位18歲小將今場(對韋斯咸)首次喺英超擔正，成功為球隊射入關鍵嘅追平入球，佢亦以18歲零174日之齡，成為球會史上最年輕嘅英超正選處子戰入波球員。今夏先至登陸英超嘅馬天尼利，喺各項賽事嘅首場正選都大發神威，聯賽盃處子戰對諾定咸森林入2粒、歐霸盃處子戰對標準列治又入2球、英超首場正選又有進帳，認真唔簡單。

加比爾馬天尼利腳法、速度同射術都有料到，但最令球迷印象深刻係逼搶同協防能力，「滿場飛」嘅踢法非常搶眼。阿仙奴早前聯賽盃對利物浦，射入2球嘅馬天尼利獲高普大讚係「世紀天才」，前途似乎無可限量！

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。