菁英盃 朱偉鈞:唔使出聲都知加維蘭喺邊!

20191214
東網電視
更多新聞短片
朱偉鈞(綠衫)今場表現搶鏡,3個入球都關佢事。 (陳焌鏗攝)
「菁英盃」周六(14日)假小西灣運動場上演B組分組賽,由愉園硬撼和富大埔。愉園雖然先失守,但憑藉20歲小將朱偉鈞創造3個入球,最終以4比2反勝大埔。
今場表現突出的朱偉鈞在接受訪問時表示:「我哋之前幾場聯賽都踢得幾好,只係差埋門嗰腳,啱啱嗰個禮拜『鮑Sir』(主教練鮑家耀)都提我哋,埋門要有決心啲!『岑Sir』(助教岑國培)、『陸Sir』(助教陸冠邦)都同我講,作為一個前鋒,攞到波之後就諗射波先,所以今場我一攞到波就嘗試起腳。雖然球隊頭15分鐘唔夠集中,但係我Feel到大家都好有信心、狀態好好,下場聯賽對元朗唔使講,一定係要攞3分!」是役上半場兩個入球均源自朱偉鈞與加維蘭的合作,他指彼此的默契已大幅提升:「加維蘭雖然身形唔算好好,但係佢攞位好醒,練波嗰陣我都會跟佢學嘢,依家開始同佢有默契,唔使出聲都知佢大概喺邊。」
過去兩季效力夢想FC的他並未取得入球,今季轉投愉園後已有2球進帳,他透露自己表現進步全因放下心理包袱:「之前喺夢想FC嘅時候,自己信心唔大,今季自己對飛馬已經入咗波,依家入埋第二球,個人有信心咗,順起上嚟自然就順!」