《隊報》爆國際米蘭1月簽基奧特！

1月轉會窗就快重開，轉會消息亦不斷出現，法國權威《隊報》日前爆料，話喺車路士長坐冷板嘅基奧特，將會轉投意甲勁旅國際米蘭。《隊報》指國際米蘭已經同基奧特嘅經理人達成協議，下一步就係要同車路士傾轉會費，由於基奧特已經33歲，而且喺車仔亦冇立足之地，車路士放人機會極高。

基奧特希望轉會增加上陣機會，確保自己有份出戰明夏嘅歐國盃決賽周，如果基奧特真係去國米，相信會擔任盧卡古嘅替補，亦有機會同前阿仙奴隊友阿歷斯山齊士再度合作。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。