拒絕中超肥約！艾美利教波有一個原則

西班牙籍名帥艾美利被阿仙奴炒魷之後，唔愁出路，據英國《每日郵報》爆料，有2支中超球隊開出巨額合約邀請佢加盟，甚至另一支英超球隊愛華頓都斟艾美利接手執教，但都被呢位48歲教頭拒絕。

西班牙《馬卡報》解釋艾美利「嫌錢腥」嘅原因，指佢並唔急於復出，因為佢只想執教具爭標能力嘅歐洲大球會。

艾美利近5年為所執教嘅球隊，總共奪得10個冠軍，包括為西維爾連續3屆捧歐霸盃，教巴黎聖日耳門期間，亦奪得法甲、法足盃、法聯盃冠軍，上季率領阿仙奴打入歐霸盃決賽，可惜輸畀車路士。艾美利教慣歐洲豪門，梗係睇唔起中超同愛華頓。

睇番現時歐洲主要聯賽，符合艾美利捧盃要求，而又需要請新帥嘅豪門，可能得番拜仁慕尼黑。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。