阿仙奴同奧斯爾割席　中國網民唔收貨

阿仙奴中場奧斯爾發表撐新疆維吾爾族人嘅言論後，成為中國網民同球迷狠批對象，更有人怒燒佢件兵工廠球衣，阿仙奴會方似乎驚失去中國市場，立即同奧斯爾割席，喺球會微博澄清，指奧斯爾嘅言論只屬於佢個人意見，並不代表阿仙奴立場。

阿仙奴官方微博發表聲明話：「其(奧斯爾)發表的內容均為厄齊爾(奧斯爾)個人觀點。阿森納(阿仙奴)作為一家足球俱樂部一貫堅持不涉及政治的原則。」

不過，中國網民唔收貨，指阿仙奴只係用微博發表聲明，根本係「做騷」敷衍內地人民，要求會方必須透過官網、官方Twitter及Facebook向全世界發表聲明，先至算數。

如果阿仙奴答應中國網民要求，就會得罪西方民主世界，如果唔咁做，又可能面對中國封殺，今次都唔知點拆。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。