摩氏理論：孫興民冇理由被罰5次

熱刺前鋒孫興民上場英超對車路士，因為惡意報復侵犯車仔守將魯迪格，事後畀球證用紅牌趕離場，家陣面臨至少3場停賽處分。據知，熱刺領隊摩連奴已經決定為愛將提出上訴。同時，一向擅於出口術嘅佢，仲提出佢嘅獨特見解，話唔想見到「老孫」被罰5次喎！

孫興民預計要停賽3場，尋日「寸王」已經公開鬧爆魯迪格扮嘢，問佢係咪斷咗肋骨咁嚴重，而今日記招，摩連奴又有新睇法：「我希望孫興民唔好因為一個錯誤就被罰5次，第1次係佢被追侵犯魯迪格，第2次係佢被罰紅牌，第3次係佢鬥唔到白禮頓，第4次係佢唔可以對諾域治，同第5次佢對修咸頓要坐波監。依我意見，佢最多只應該被罰兩次，而唔應該有第3、4、5次。」

同時，「摩佬」仲鬧爆依家個VAR(視像助理球證系統)，話佢哋仲重要過主球證，遲早會累死呢個全世界最好聯賽。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。