亞哥斯達同Gil入波跳晒舞 背後有秘密

20191226
東網電視
更多新聞短片
(何彥霆攝)
「拆禮物日」舉行的「高級組銀牌賽」4強大戰,理文憑亞哥斯達(Jony)、基華尼頓(Gil)和沙普夫的入球,以3比0力挫和富大埔殺入決賽。其中,為球隊貢獻1入球、1助攻的Jony賽後大爆,與巴西隊友Gil如此好默契的秘密。
基於首席射手尼迪利仍需缺陣的情況下,理文今場續以基華尼頓任前鋒,而亞哥斯達則從後協助,為前場球員創造不少攻勢。這名阿根廷進攻中場,上半場更藉一腳補中建功,為球隊射入先拔頭籌一球,下半場亦為隊友基華尼頓送上助攻,成理文今場大勝關鍵。他在賽後自評表現不俗,亦讚揚球隊發揮不錯。對於決賽對手為強隊東方龍獅,Jony自言暫未給予自己太大壓力,並認為理文有足夠實力與之匹敵:「今場完咗我哋有10幾日假期,依家去諗決賽係太早嘅事。我知道東方係一隊好強嘅球隊,但我哋理文亦都唔係弱隊,而且世事冇嘢係冇可能,我相信我哋可以同佢哋戰鬥到底。」
有趣的是,亞哥斯達在36分鐘入球後,與同屬南美球員的基華尼頓,合演了一場舞蹈慶祝,他對此解釋:「我同Gil住埋同一個屋苑,好好朋友,所以我哋一早夾定如果對方入波就一齊跳番part舞,哈哈!」Jony還透露,在剛過去的聖誕節,他一家人和Gil一同歡度了佳節,還一起共進南美聖誕大餐呢!