巴塞中堅送上門！阿仙奴防線有救

20200102
  • 東網電視
    更多新聞短片
    阿仙奴以2:0擊敗曼聯一戰，觀眾席上出現1位防線猛人觀戰，就係巴塞隆拿中堅烏姆迪迪，隨即惹起入「廠」傳聞，莫非阿迪達已邀請呢位大將加盟，填補最弱嘅中堅位置。
    烏姆迪迪入場睇波，並高調影相打卡，放上社交網，由於一直有傳呢位26歲後衞將會離開巴塞隆拿，加上阿仙奴防守差，急需要簽新中堅，更加令人認為烏姆迪迪好可能入「廠」。
    不過，據悉烏姆迪迪係趁西甲歇冬期間，去倫敦旅行，順便入場睇今場大戰，佢亦透露如果離開巴塞隆拿，就可能重返法甲母會里昂，阿仙奴要簽佢，並唔容易。
    未知是否受烏姆迪迪入場刺激，阿仙奴後防球員怕飯碗不保，今場表現出色，力保不失之餘，中堅柏柏斯達夫普路斯仲入咗1球，烏姆迪迪未加盟，已經幫到手。
    立即參加「賞您睇」：https://tinyurl.com/yxa3a8z8　
    Click下面粒掣，儲on.cc coins！機票、家電、超市禮券、過萬份獎品等緊你。