21世紀最索「紅魔女」　個個Hit過孫興民！

剛剛踏入2020年，南韓《首爾體育》整咗個特輯，盤點過去將近20年幾代「韓國紅色魔女」──足球打氣女郎，勢估唔到元祖級魔女米娜，由2002年世界盃崛起，到依家成40歲人，着套聖誕女人裝束出現，都一樣咁引人注目。

人怕出名豬怕肥，米娜自成名之後，鬧出唔少風波。當中2004年爆出嘅虛報年齡，就曾經嘈到開巷，事後證實佢生於1972年12月1日，向外報細咗6歲。不過，咁樣對佢嘅事業並冇太大打擊，起碼2010年仲去過大陸唱歌賺人仔添。

當然，「紅色魔女」始終都係後生啲好。「二代目」韓珍熙除咗保持身材誘人嘅基本條件，畀人係另一種感覺。至於「三代目」、原名金荷律嘅尹惠熙，早幾年就被形容為世界盃最正嘅女球迷，但係佢同前兩任相比，喺韓國模特兒界比較吃得開，搵到食，公認係個至Top嘅車模添。