【英超戰疫】林柏特病足10日　記者會甩底

除曼聯爆發病毒危機，另一英超勁旅車路士亦有病患潮，而且病毒源頭好可能就係領隊林柏特！據報林柏特已經病咗超過1星期，周日(5號)足總盃主場對諾定咸森林嘅賽前記招都未能出席，要由助教摩利士代勞，認真大鑊！

摩利士喺記者會上表示：「林柏特感染咗病毒，而且已病咗1個星期到10日咁耐，因為人愈老就愈難康復！佢依家個狀態唔係好好，但我相信星期日應該可以繼續帶隊。」據英國《太陽報》報道，林柏特仍然有帶病去進行賽前操練，但已有至少2個球員「中招」，中堅湯姆利同中場基摩爾都被感染，不過前者仍然堅持練習，而基摩爾就被勒令即時返屋企養病。