【噩耗】荷蘭超新星提早收咧　緣盡歐國盃

希望喺今夏歐洲國家盃大展拳腳嘅荷蘭，繼王牌球星迪比重傷肯定無緣出戰呢項大賽後，另一超新星前鋒當耶爾馬倫亦步佢後塵。荷甲勁旅燕豪芬宣布，20歲前鋒當耶爾馬倫上月底聯賽受傷後，近日已經進行手術，不過手術後證實今季提早收咧，就連歐洲國家盃決賽周亦會缺席。

當耶爾馬倫今季喺各項賽事入面為燕豪芬上陣25場入17球，上年9月喺歐國盃外圍賽對德國亦有入波，佢嘅缺陣對荷蘭嚟講無疑係極大打擊。