專欄輪住嚟　球圈10年見證起跌

踏入2020年，晌度先恭祝大家新年快樂！上月係09年東亞運奪金10周年，亦係香港隊經過10年後再次參加東亞足球錦標賽決賽周。由自己第1次代表香港隊出戰至今，轉眼間已經有10年時間。呢段時期有幸見證香港隊嘅高低，經歷多次熱潮以及球迷對香港隊嘅支持，全部都令我非常難忘。

10年嘅時間對足球發展嚟講話長唔長，話短唔短。多年來香港足球亦進步唔少，但唔能夠否認進步嘅速度同其他國家地區相比，有好大嘅差距。自前年開始，屬於香港足總嘅訓練中心正式投入服務，希望各年齡層代表隊球員都可得到更穩定嘅訓練時間，加強各種能力，從而提升各年齡層代表隊嘅比賽成績同表現。

當然，推動香港足球唔單只限於球員，大眾市民都可以提供意見，令香港足球有更好嘅發展。嚟緊足總分別喺1月9、13、16同20日舉行公眾諮詢會，希望大家都可以參與並發表意見。

東方龍獅

球員　葉鴻輝