傷情嚴重!蘇斯克查緊急收回英甲仔幫拖

20200111
東網電視
更多新聞短片
(Getty Images)
曼聯防線傷兵滿營,哈利馬古尼、馬高斯盧祖、艾歷拜利、勞基梳爾、科素文沙、杜安薛比都有傷在身,可能缺陣周六(11日)晚英超主場對諾域治。領隊蘇斯克查見勢色唔對,已提早收回外借畀英甲球隊燦美爾嘅後衞保夫域積遜應急。
領隊蘇斯克查已準備提拔青年軍19歲小將伯納德上一隊,但佢似乎認為仍然未足夠,所以提早收回保夫域積遜。
現年22歲嘅保夫域積遜主要司職左後衞,佢2015年11月首次為曼聯出戰英超,但之後大部分時間被外借,包括踢過狼隊、列斯聯、斯肯索普。佢今季被外借去燦美爾,但只上陣過5次。
其實保夫域積遜連英甲都未踢得掂,蘇斯克查收返佢,到底又可以幫到幾多呢?
東網體育FB同你追實體壇每個精彩時刻!
Follow東網體育IG一齊撐本地運動員!