上次吞9蛋?修咸頓反勝李城報仇!

20200112
東網電視
更多新聞短片
(Getty Images)
78日前主場輸0:9,今輪修咸頓上演聖人復仇記,雖然先失1球,但先靠一個幸運波追平,換邊後聖人當家射手丹尼艾格斯,終於射破卡斯柏舒米高十指關,帶領修咸頓2:1爆冷反勝李斯特城,完成不可能的任務。
修咸頓季初表現曳極,成班波攻守都唔掂,首循環更因打少1個,而被占美華迪同艾約斯佩雷斯各自戴帽,主場怒吞9隻光蛋。但到12月聖人奇迹反彈,今戰賽前9仗6勝1和2負,近期贏過熱刺、車路士同阿士東維拉,今場就全力報仇。
雖然李城今仗有華迪復出,14分鐘更憑中場丹尼斯普拉特先開紀錄,但5分鐘後史超活岩士唐就射入折射入波扳平。修咸頓追平後氣勢如虹,丹尼艾格斯上半場就2次中柱、中楣,聖人換邊後更曾食詐胡。但到81分鐘,艾格斯終於走空收死舒米高反先。其後莊尼伊雲斯頭槌曾擺個波入網,但睇完VAR確定越位在先,最終聖人勇擒李城成功復仇。