利物浦死神　射瓜3位名帥

唔止足球睇波，仲有24小時滾動賠率，即時體驗：https://bit.ly/2UmNL0L　

巴塞隆拿炒咗主教練華爾維迪，觸發點係早前西超盃輸畀馬體會，但球迷心裡面都好清楚，華爾維迪嘅死因係歐聯輸畀利物浦。有網友發現一項邪門數據，利物浦小將奧歷治入兩球，3位教練被炒，包括阿仙奴艾美利、愛華頓馬高施華，同埋巴塞華爾維迪。

奧歷治喺紅軍上陣機會唔多，但巧合嘅係，上述3位被炒嘅主帥，都曾經衰喺奧歷治腳下，認真邪門。先講華爾維迪，上季歐聯4強次回合對巴塞隆拿，利物浦贏4比0，該仗奧歷治梅開二度。

再數之前嘅默郡打吡對愛華頓，利物浦大勝5比2，奧歷治該仗梅開二度，賽後愛華頓領隊馬高施華被炒。

英聯盃對阿仙奴，同利物浦踢成5比5，互射12碼紅軍晉級，該仗奧歷治亦係梅開二度，過咗冇幾耐，主帥艾美利亦告下台。