意大利傳媒：高列巴尼今夏投曼聯

唔止足球睇波，仲有24小時滾動賠率，即時體驗：https://bit.ly/2UmNL0L　

曼聯斟波基斯費南迪斯仲未知咩情況，但另一邊廂斟介拿玻里法國中堅高列巴尼就斟妥晒，意大利傳媒報道，該位28歲中堅將於今夏加盟曼聯，轉會費為6400萬鎊。

其實曼聯斟高列巴尼已經有一段時間，傾到最近終於達成協議，意大利一個電台節目講到實牙實齒：「拿玻里鐵定出售高列巴尼予曼聯，價錢在7000至7500萬歐元，冬窗未能完成轉會，預計會於今夏加盟。」

曼聯去年夏天花8000萬鎊簽入哈利馬古尼，後防表現大有改善，不過球隊仍有打兩場好波就有一場失準問題，簽入高列巴尼預計可徹底解決防線問題，全力爭標。