【有片】離門1碼空門炒高!寸王:黐X線

2020年01月15日 11:00
東網電視
更多新聞短片
(Getty Images)
熱刺喺英足盃第3圈重賽,以2:1擊敗米杜士堡,但領隊摩連奴表示好唔滿意,因為球隊浪費多次入球機會。最離譜一定係賴恩施斯隆離門1碼,射空門竟然炒高,搞到「寸王」即時啤一聲。
當時踢到51分鐘,熱刺右閘譚甘加於右路傳中,各人大漏之下,皮球剛好落喺伏兵遠柱嘅賴恩施斯隆面前,眼見佢起左腳應該可以輕鬆射入,但結果竟然離門1碼射高,似足幫對手解圍,令全場人士O晒嘴。
年僅19歲嘅賴恩施斯隆上季踢富咸已經打出名堂,今季加盟熱刺,佢可以勝任左翼同左閘,今場踢左閘。
摩連奴亦有意栽培佢,今屆歐聯作客貝爾格萊德紅星,75分鐘佢入替孫興民,並助攻基斯甸艾歷臣入波。最後1場歐聯分組賽對拜仁慕尼黑,更加畀賴恩施斯隆踢足全場,佢今場英足盃亦踢足全場,估唔到佢用一下「世紀空門」回報摩連奴。
賽後摩連奴話,熱刺今場應該可以入到5球,根本唔需要踢得咁艱難,可見佢對賴恩施斯隆今次失機,感到好失望。
東網體育FB同你追實體壇每個精彩時刻!
Follow東網體育IG一齊撐本地運動員!