香港飛馬新兵登場鍊傑志 報唔報到仇呢?

2020年01月15日 22:00
東網電視
更多新聞短片
香港飛馬主場迎戰傑志!
毋須登入,立即睇直播:
「中銀人壽香港超級聯賽」周四(16日)晚上8時上演獨腳戲,由香港飛馬坐鎮主場香港大球場迎戰傑志。兩軍今季曾兩次交手,均由傑志取勝,今仗再遇,連番簽入猛將的飛馬力求復仇,傑志則望延續強勢,相信能為球迷帶來一場賞心悅目的比賽!(on.cc東網周四晚8時直播)
香港飛馬首循環僅以1比2不敵傑志,今仗回到主場出戰,加上獲東方龍獅借出巴西前鋒慕沙,主教練文彼得期望能改善該仗把握力不足的問題:「慕沙有一定能力,相信佢喺球隊嘅作用非常大,加上上季佢同部分隊友合作過,目前配合都做得唔錯。」
除慕沙外,飛馬亦重簽舊將艾華,「文Sir」認為:「無論艾華正選定後備,佢嘅速度都令人震驚,呢樣對我哋打防守反擊有好大幫助。雖然佢半季冇踢港超,但狀態比我想像中好,希望短時間內可以進一步提升。」飛馬雖在聯賽不敵傑志,但他們及時調整並於「菁英盃」擊敗東方龍獅,「文Sir」稱:「上場對東方,佢哋出咗5個洋將,但我哋都把握到機會贏佢哋,真係好振奮,對球隊信心等各方面都有正面影響!」
傑志今季兩鬥香港飛馬都贏波,然而總教練施利斯高域明言今仗不可輕敵:「今場係一場完全唔同嘅比賽,雖然我哋之前贏過佢哋,但今次要更加集中,畢竟飛馬上場交手時其實踢得好好,所以今場由第一分鐘開始,我哋就要好專心咁應付!」
「藍鳥」巴西翼鋒蘇沙已連續3場取得入球,反而洛迪古斯正陷「入球荒」,「施帥」認為:「蘇沙過去幾場都入到波,我唔會因此感到意外,其實我哋進攻上製造到好多機會,不過唔能夠轉化成入球,呢樣要好好改善。雖然洛迪古斯近期入唔到波,但佢練習時做得好好,相信好快會入番波!」人腳方面,後衞丹尼、賓紀文正在養傷,新援高美斯則因狀態不足,是役只能作壁上觀,至於剛加盟的南韓中堅朴俊炯會先列後備。
毋須登入,立即睇直播: