艾歷臣唔係過硬國米!富豪球會加入搶人

2020年01月15日 23:00
東網電視
更多新聞短片
丹麥中場球星基斯甸艾歷臣,已經決定離開熱刺,早前有傳將會轉投意甲國際米蘭,同盧卡古、拿達路馬天尼斯組成進攻鐵三角,唔少祖雲達斯球迷都擔心,國米會終止斑馬兵團意甲霸權。估唔到突然殺出程咬金,巴黎聖日耳門密謀搶走艾歷臣,睇嚟呢次爭奪戰仲有排搞,最終得益者肯定係熱刺。
早前有報道指國米肯為艾歷臣付出約1600萬歐元,但英國《太陽報》報道,國米因知道艾歷臣願意來投、熱刺談判籌碼愈來愈少,所以只肯畀850萬鎊,熱刺已拒絕呢個恥辱性報價,表示起碼要雙倍呢個金額先有得傾。
巴黎聖日耳門有的是錢,依家先按兵不動,耐心等待熱刺同國米嘅談判結果,之後先會正式出價。艾歷臣今個轉會窗離隊機會好大,就睇吓最後邊支歐洲勁旅夠誠意啲,可以得到呢位好波之人來投。