摩連奴：艾歷臣對得住熱刺

唔止足球睇波，仲有24小時滾動賠率，即時體驗：https://bit.ly/2UmNL0L　

日前英足總盃重賽，熱刺險勝英冠米杜士堡2比1，即將離隊嘅基斯甸艾歷臣都有上陣，但熱刺球迷不時向呢位丹麥中場報以噓聲，摩連奴賽後被問到當時情況，摩帥稱：「艾歷臣對得住熱刺。」

艾歷臣將於今夏約滿，今個冬窗佢可以同英超以外球會自由接觸，其中轉投國際米蘭機會最高，熱刺球迷亦知道艾斯臣即將離隊，在賽事中向佢柴台，表達不滿。

摩連奴見慣太多離離合合，對此處之泰然：「艾歷臣好出色，非常專業，呢個亦係我對佢嘅期望。如果佢已經對球隊奉獻所有，佢可以昂首挺胸離開。」

對於球迷反應，摩帥指出：「球迷是需要尊重的，我尊重佢哋嘅舉動，但艾歷臣今場盡心盡力，佢冇欠熱刺乜嘢。」