奧巴美揚收山腳上訴無效　停賽3場

唔止足球睇波，仲有24小時滾動賠率，即時體驗：https://bit.ly/2UmNL0L　

阿仙奴前鋒奧巴美揚嘅紅牌上訴，遭英足總駁回，該英超神射手停賽3場裁決維持不變。

奧巴美揚喺上仗英超阿仙奴對水晶宮一仗中，伸腳攔截對方後衞祖爾禾特腳下球時，出腳慢誤中對方足踝，球證當場判罰黃牌，但翻看VAR後球證改判紅牌將佢直接驅逐出場，按例奧巴美揚要停賽3場。

英國《天空體育》報道，英足總駁回阿仙奴上訴，維持停賽3場原判，奧巴美揚未來3場都要坐波監，包括聯賽主場對錫菲聯、聯賽作客對車路士，以及英足總盃作客對般尼茅夫。