【官宣】非國盃又改期 英超雙紅大鑊鳥

2020年01月16日 15:00
東網電視
更多新聞短片
2021年非洲國家盃主辦國喀麥隆宣布,由於天氣較適合比賽,下屆決賽周將會回復1月至2月舉行,意味同歐洲主要聯賽嘅賽期撞到正,當中以大批非洲球星效力嘅英超影響最大,而利物浦同阿仙奴就係當中表表者。
往年非國盃都係喺1月到2月左右舉行,唔少非洲球星被逼喺季中離開所屬球會,上屆(2019年)非國盃就從善如流改喺夏天舉行,點知喀麥隆今次又宣布「回復舊制」,一眾英超搵食嘅非洲球星可能會缺席6場比賽之多。
正常情況下,利物浦會有穆罕默德沙拿(埃及)同沙迪奧文尼(塞內加爾)兩大前鋒要離隊參賽,阿仙奴亦有奧巴美揚(加蓬)同尼高拉斯比比(科特迪瓦)可能缺陣,影響極大。