熱刺增兵繼續嚟！摩連奴今次買中堅
20200116
東網電視
更多新聞短片
(Getty Images)
熱刺喺今個冬季轉會市場連環出擊，繼成功借用賓菲加中場謝特臣費南迪斯之後，又有新動作，準備收購西甲球隊基達菲中場達高南。
摩連奴成為熱刺領隊後，防線一直係最大弱點，已經連續9場比賽失波，令到身為防守大師嘅「寸王」冇晒面，所以佢好想簽入中堅。
目標人物達高南現年28歲，係多哥國腳，雖然佢身高只有1米78，屬於「矮仔中堅」，但勝出位置感強，出腳攔截準繩，屬於實在不華嘅球員，啱晒摩連奴用人風格。
達高南只係效力弱隊基達菲，但都有2次入選西甲最佳陣容候選名單，實力備受肯定。據悉，達高南身價為2200萬鎊，實在係平靚正，有傳阿仙奴都對佢有興趣，所以熱刺要買就要快手啦。
東網體育FB同你追實體壇每個精彩時刻！
Follow東網體育IG一齊撐本地運動員！