車仔8號唔易着 巴克里跟番莫耶斯啦
20200116
東網電視
更多新聞短片
(Getty Images)
莫耶斯早前成為韋斯咸新領隊，已開始着手增兵提升實力，爭取護級成功。英國傳媒指「莫天才」想向車路士借用中場巴克里，兩師徒有望再次合作。
莫耶斯當年執教愛華頓，一手由青年軍提拔巴里克，呢位26歲英格蘭國腳2018年1月離開母會，加盟車路士，並着上名宿林柏特8號球衣，佢上季英超上陣27次入3球，表現唔錯。
不過，車路士今季由林柏特領軍後，反而唔多重用呢位「接班人」，巴里克今季英超只有6場擔任正選，表現亦大不如前。加上陣中仲有佐真奴費路、尼高路簡迪、高華錫，以及新星美臣蒙特，令巴里克更加難取得上陣機會。
巴里克為咗保持上陣時間，爭取入選英格蘭國家隊，出戰歐國盃決賽周，離隊已經成為最佳選擇。
莫耶斯依家趁機提出借用巴克里，相信車仔應該會放人，到時巴克里有恩師照住，或者可以翻生。
東網體育FB同你追實體壇每個精彩時刻！
Follow東網體育IG一齊撐本地運動員！