聖日耳門死霸卡雲尼 最傷係阿仙奴!

2020年01月16日 22:05
東網電視
更多新聞短片
(Getty Images)
法國班霸巴黎聖日耳門,本季加入莫路伊卡迪如虎添翼,同尼馬及基利安麥巴比組成無堅不摧嘅前線組合,喺法甲根本無尋對手,球隊目標絕對係柒指歐聯冠軍。烏拉圭射手卡雲尼今季被貶後備,盛傳馬體會、曼聯及阿仙奴都有意於冬窗收購呢名強力前鋒。不過PSG領隊杜曹表明,無意畀佢於1月離開,咁阿仙奴就慘喇,因為馬體會勢必轉斟拿卡錫迪!
卡雲尼13年起加盟PSG,291次上陣狂入198球,成為球隊史上神射手,不過本季終於失去正選位置。雖然已32歲,但卡雲尼仲有大把貨,而PSG亦有的是錢,就算卡雲尼於季尾以自由身離開,杜曹亦希望佢繼續留低。
馬體會一直希望於本月引入卡雲尼增強前線火力,但巴黎聖日耳門一直留難嘅情況下,早前已有傳若斟唔掂 卡雲尼,就會將目標將到拿卡錫迪身上。拿卡錫迪加盟兵工廠後,一直唔係鐵打正選,而且兵工廠依家又重整緊,馬體會若堅出手,阿仙奴要留人都好有難度。