法賓奴復出降魔！利物浦黃金中場齊腳
20200116
東網電視
更多新聞短片
(Getty Images)
利物浦將於周日(19日)深夜英超主場對曼聯，紅軍收到好消息，中場大將法賓奴泰華利斯已經傷愈，並跟隨大隊完成整課操練，可以復出踢呢場「雙紅會」，同韋拿杜姆、佐敦軒達臣合組紅軍最強中場線。
法賓奴泰華利斯自從上年11月27日歐聯對拿玻里一役受傷後，一直缺陣，加上拿比基達、占士米拿亦養傷，令到領隊高普非常痛頭。法賓奴泰華利斯可以趕及復出鬥曼聯，絕對係一場及時雨。
特別係利物浦今季英超唯一一場失分，就係打和曼聯，今場更加要打醒十二分精神。法賓奴泰華利斯係利物浦防守中場首選，有佢助陣，大大提升球隊截擊力，對攻守非常重要。
利物浦上屆歐聯決賽亦係以法賓奴泰華利斯、韋拿杜姆、佐敦軒達臣組成中場線，用呢個陣容打曼聯，勝算相當大。
東網體育FB同你追實體壇每個精彩時刻！
Follow東網體育IG一齊撐本地運動員！