皇馬Book定荷蘭天才　搶贏曼聯熱刺

唔止足球睇波，仲有24小時滾動賠率，即時體驗：https://bit.ly/2UmNL0L　

西班牙傳媒爆料，一直留喺阿積士仲未走嘅22歲荷蘭中場天才雲迪碧克，已落實加盟皇馬，轉會費5500萬歐元，將於今夏完成交易。

阿積士幾位天才，法蘭基迪莊去咗巴塞隆拿，馬菲斯迪歷特加盟祖雲達斯，剩低雲迪碧克留隊，但呢一年來都有唔少豪門吼實佢，包括熱刺、曼聯、皇馬都不斷向阿積士報價。

西班牙《馬卡報》報道，雲迪碧克去年8已經同皇馬達成私人協議，只係阿積士唔放人，直至最近消息指阿積士已作出選擇，該球員將完成今季賽事後獲放行，到時皇馬支付5500萬歐元轉會費，就可得到雲迪碧克。