【雙紅會】曼聯「新」中堅有望鬥利物浦

20200118
東網電視
更多新聞短片
曼聯周一(20號)凌晨英超作客利物浦,賽前突然收到一單喜訊,養傷半年嘅科特迪瓦中堅艾歷拜利,上星期喺一場U23賽事已經復出踢咗成個鐘頭,領隊蘇斯克查表示,呢位中堅有機會喺對利物浦一仗復出:「佢已經好接近(復出),上場波之後佢冇覺得任何異樣,所以有機會喺對利物浦一仗候命。」
25歲嘅艾歷拜利同曼聯嘅合約到季尾就完結,之前喺摩連奴執教下被打入冷宮,幾乎喺季前被賣走,結果熱身賽重傷打斷轉會計劃,估唔到突然有機會重生,《ESPN》更指曼聯準備同佢續約2年,如果佢可以生生性性,或者有機會搶埋域陀連迪路夫個正選位。