【有片】絕殺變絕育？飛角球旗慶祝紐迷中蕉

周日(19號)英超大戰，紐卡素主場1比0爆冷擊敗車路士，全場唯一入波更係嚟自94分鐘嘅「絕殺」，戲劇性結局當然令聖占士公園嘅球迷High爆！不過樂極真係會生悲，紐卡素球員瘋狂慶祝艾錫希頓慶祝嗰陣，中場馬特列治激動踢斷角球旗桿，由於力度相當之大，支角球旗空中旋轉多圈後直插場邊一位男球迷下體！

據球迷拍到嘅畫面所見，該位黑仔紐卡素球迷「中蕉」後非常痛苦，全程雙手掩住下體，莫講話見愛隊贏波都完全笑唔出，就連想企番起身都痛到企唔到，更慘嘅係側邊傳出唔少恥笑聲音，認真難堪。紐卡素官方twitter賽後亦都抽水，貼番個球迷「中蕉」一幕與眾同樂，仲話代馬特列治同支角球旗向佢道歉喎！